الأربعاء , 22 سبتمبر 2021
جديد

النص الكامل لحوار الإعلامي أحمد موسي مع المستشار القانوني المصري عصام الطباخ:النقابات المستقلة ونشطاء السبوبة كان لهم الدور الأكبر في إحداث الفوضى والإحتجاجات وجرى تدريب عدد كبير منهم في الخارج..وهناك أسرار ومعلومات خطيرة يجب أن يعرفها شعب وعمال مصر

وكالة أنباء العمال العرب:

اجرى الزميل الإعلامي أحمد موسي حوارا تليفزيونيا في برنامج “على مسئوليتي” في قناة صدى البلد ،مع المحامي الكبير والمستشار القانوني المعروف عصام الطباخ عضو

الجمعية المصرية للاقتصاد الاسلامي والتشريع والاحصاء…وهذا نص الحوار :

*أحمد موسى : برحب بضيفي الكريم الأستاذ عصام الطباخ المستشار القانوني وعضو الجمعية المصرية للاقتصاد الاسلامي والتشريع والاحصاء تحياتي لحضرتك
**عصام الطباخ : أهلا بيك
*أحمد موسى : شوف خليني أتكلم بصراحة انه دعوات موجودة ، مواقع موجودة ، بتدعو انه جهزوا نفسكم ، ناس بدأوا يتكلموا بالنغمة اياها ، نبدأ نتجمع تاني ، ناس تسافر برة ، ناس تبقى موجودة جوا ، ما يطلقوا عليه حسب مزاعمهم ثورة جديدة تبدأ في 25 يناير الجاي وتستمر في السنة القادمة بالكامل .
**عصام الطباخ : تمام . بسم الله الرحمن الرحيم ، الأول تحياتي لحضرتك وتحياتي للسادة المشاهدين الأفاضل ، يعني انا هبتدي بأن المؤمن لا يلدغ من الجحر مرتين كان هناك منهج ومخطط واضح وضوح الشمس ، كان كل اللي احنا محتاجينه عمق في الاحداث فحضرتك على سبيل المثال مثلا انا هاخد نموذج اللي هو الحي بالنسبالنا في مصر هنا وهبعد عن اي نموذج عربي تاني لان النموذج اللي عندنا اتطبق تماماً هنيجي نشرح الحالة وهناخد النقابات المستقلة او الكيانات المستقلة عقب ثورة يناير 2011 هنلاحظ أن 7/3/2011 حلف الحكومة حكومة عصام شرف اليمين الدستورية ، 11/3/2011 فوجئنا بالسيد وزير القوى العاملة في هذه الوزارة بيدعوا لمؤتمر عام في حضور .
*أحمد موسى مقاطعاً : كان دكتور أحمد البرعي ولا حد تاني .
**عصام الطباخ : كان الدكتور احمد البرعي ، دعا لمؤتمر عام حضره أكبر راس في منظمة العمل الدولية خوان سومافي ، هذه الرجل قليل الحركة مبيرحش هنا ولا بيروح هنا .
*أحمد موسى : مين الشخصية دي
**عصام الطباخ : خوان سومافاي دا رئيس منظمة العمل الدولية .
*أحمد موسى : مين هو جنسيته ايه .
**عصام الطباخ : اعتقد ان جنسيته نمساوي وهو القائد لمنظمة العمل الدولية ، 7/3/2011 حلف اليمين ، 11/3/2011 دعا للمؤتمر ، اتقال ايه بقى المؤتمر ، قال رفع الظلم عن العمال المسريين ، وجه الوقت اللي احنا انتظرناه كثيراً .
*أحمد موسى مقاطعاً : تمام مطلب مشروع رفع الظلم .
**عصام الطباخ : الحق الذي يراد به الباطل .
*أحمد موسى : أنا بقول لحضرتك اه
**عصام الطباخ : ولازم نعمل نقابات مستقلة ، وكل اللي عاوز يأسس نقابة يأسسها ، وزارة القوى العاملة مفتوحة لكل الأوراق للنقابات المستقلة ، وأبتدى هذا المؤتمر يشرح أن دي أصلا حرية من حريات العمال ، فتلقفها العمال البسطاء المصريين اللي انا يعني بشفق عليهم أو من انضم ليهم عن خطأ. طب تمام ايه هي النتائج المترتبة على هذا الاعلان . فوجئنا ان احتجاجات ملأت الدولة المصرية كلها لو حضرتك عاملين حصر ليها إحتجاجات ايه تتمثل في قطع طرق وغلق موانئ ، يعني انا افتكر حالة جت من ميناء السخنة العمال عملوا اضراب ففي ناس من العمال الشرفاء مندهشين احنا بنعمل الاضراب ليه احنا طلبنا من جهة الادارة بدل حافز جهة الادارة استجابت واديتهم ، تاني يوم لقوا الاضراب لسا موجود فبعض العمال بقوا يتسائلوا في ايه وطبعا النشطاء السياسيين كانوا موجودين في المصانع والموانئ اللي هما بيحفزوا العمال على التحريض بشنط الدولارات اللي كانت مصر في التوقيت دا عايمة على دولارات .
*أحمد موسى : كانوا بيدوا الناس دولارات علشان يعملوا اضراب
**عصام الطباخ : طبعا ، مش الناس كلهم
*أحمد موسى بعضا المحرضين او اللي بينظموا .
**عصام الطباخ : 10 : 15 عامل يندس ، اللي هو عامل النقابة المستقلة ويبتدي يحرض العمال ، احنا لازم نوقف علشان خاطر كذا وكذا وكذا علشان بدلات كذا ، تيجي الادارة تديهم الفلوس يجوا نفس النظام تاني يوم شغالين ، الفترة دي يا أحمد بيه عايز اقول لحضرتك اللي دخل ترامادول في مصر يغطي مصر 10 سنين جاية ، في الفترة بتاعت اغلاق الموانئ ، نفاجئ أن آلاف العمال في حلوان يتظاهرون ضد الحكومة ، كفر الزيات شركات السويس يواصلون اعتصامهم ، التأمين الصحي ، قطع طرق دا كان الحاجة اللي الواضح انه كان متفق عليها . دا كان النتيجة بتاعت اعلان الحريات النقابية ، اللي جاية في التوقيت دا ، انا عندي بقى مجموعة من الملاحظات :
1- أنا بقول البون الزمني لما أجي اشوف تلاحق زمني لاهث يستعصى علي الموائمة ، أنا بستلم وزارة 7/3 بجيب الراجل الكبير والمؤتمر في 11/3 ، بلغي القانون المصري وبسقط الدولة المصرية في 11/3 ، تتلقفوا العمال في كيانات مستقلة ، وتبتدي بقا كل اعضاء النقابات المستقلة ، وانا قلتها ساعتها قلت اتمنى من السادة المسئولين يروحوا مجمع التحرير يجيبوا شهادة تحركات ، هيلاقوا آلاف العمال لفوا العالم اليابان الصين امريكا اوروبا كل دا بيتدربوا على ايه ، ازاي تحتج على حكومتك .
*أحمد موسى مقاطعا : لا لا استنى لحظة بتقول العمال دول مش رايحين يتدربوا على ياخدوا خبرة مهنية زي ما انا متوقع .
**عصام الطباخ : لا يا فندم
*احمد موسى : مش رايحين ياخدوا خبرات
**عصام الطباخ : لا يا فندم هما
*احمد موسى : بيتدربوا على الاحتجاج
**عصام الطباخ : أول حاجة رايحين علشان يركبوا الطيارة دا رقم 1 ، رقم 2 ينزلوا في فندق ، رقم 3 يقعدوا ورشة عمل ، يعني انا قعدت مع كذا حد منهم ماشاء الله عليه مش فاهم حاجة خالص ، طب انت يابني كنت بتعمل ايه هناك ، انا كنت قاعد كدا وخلاص ، وبعضهم الناس السادة بقى اللي هما بيتلقفوا المحاضرات انت علشان تبقى قوي وتبقى حرجة احتجاجية مظبوطة وتأخذ حقك تعمل ايه ، تعطل السكة الحديد ، تقفل مستشفى تقطع طريق وطبعا العامل بياخد الكلام دا ، بيجي يطبقوا في مصر.
*احمد موسى : دا حصل ، حضرتك بتقولي ، معلش انا اسف ، براحة بس علشان نفهم والناس تفهم معانا ، وانا كمان استوعب ، بتقولي في بعض من الناس دي سافروا في دول كتير ، ماشي دول كتير ، اصل انا عندي 4 ،5 مليون عامل فمش هقول 7 مليون سافروا ولا 5 مليون ، لكن بنقول بعض يبقوا نص مليون 33 الف كدا يعني كويس ؟ سافروا علشان ياخدوا تدريب ازاي اعطل الشغل في البلد اوقف الدنيا في البلد ، دا اللي بتقوله بالظبط ، اه دا بالظبط .
**عصام الطباخ : بس في صورة ايه ان دا حق العامل ، ورفع الظلم عن العامل والمسألة دي كلها ، يبقى انا الملاحظة الاولى اللي بقولها تلاحق زمني في المسألة دي 7/3 ، 11/3 بعمل انا الهيصة بتاعة مصر دي .
*أحمد موسى : بدأت الناس تسافر بعد 11/3
**عصام الطباخ : أه طبعا ، بعدها يعني انا بقول مجمع التحرير ، التحركات هيجيب كل السادة اللي سافروا في السادة دي . طيب تمام ، وطبعا النشطاء شغالين على قدم وساق في مصر .
*احمد موسى : بينسقوا مع بعض ؟
**عصام الطباخ : بينسقوا تنسيق منهج ، ما انا عايزة اوضح أستاذ احمد انا بتكلم على الظرف اللي هو الزمني الوقت بين دا ودا ، طيب نيجي للظرف التاني بقى
2- وقت الحالة المصرية في التوقيت دا كان ايه ؟ لو حضرتك تتذكر 11/3 دا كانت البلد منهارة كان في اعتداءات على اقسام الشرطة كان في لسا ما زلنا موضوع اسمه السجون ، كان في قطع طرق في كل حتة ، البلد منهارة ، فعشان انا اجي اطلق الحريات النقابية اللي هي ملهاش اي علاقة بالقانون المصري يعني القانون المصري السائد لا يطبق النقابات المستقلة وانا مسئول في الدولة باجي باهدر قانون وعلى الملأ تمام اذن يبقى الظرفية بتاعت الحالة نفسها اللي انا عايز اقضي على البلد دي طيب نيجي للجزئية الثالثة .
3- مضمون الاعلان ايه ؟ مضمون الاعلان نصرة العامل ، ويا عامل انت مظلوم ، وانت رجل حر ، و رجال الاعمال دول مش احسن منك ، وانت اتعرضت لظلم كبير ، أ.احمد .
*احمد موسى : دي اللغة اللي بيستدرج بيها .
**عصام الطباخ : دي اللغة اللي بيستدرج بيها ، طيب ايه النتيجة الظروف او النتائج المترتبة على كدا ادى الى غلق 4 آلاف ونصف مصنع فبالتالي ادى الى تشريد 250 الف عامل ، تفاجئ بقا ، اشتراكيون الثوريون حملة الوقوف للمفصولين تعسفياً ، دا طبعا اللي ماسكين المسألة دي دول بيقبضوا دولارات ، بس دلوقتي العملية ايه في نوع من انواع الجراءة ، آه احنا بيجيلنا تمويل علشان بنساعد البلد ، انت اللي شردت ال 250 الف عامل ، وانت اللي بتحرض ال 250 الف عامل بتقولوا انت اتظلمت ، لأن العامل ميعرفش يعني أنا في المؤسسة دي بسمع كلام المحرض اللي هو الناشط السياسي او الناشط العمالي ، انا معرفش ان الاف العمال في جمهورية مصر العربية واخدين نفس الجرعة من التحريض ، فلما نشتغل كلنا إضرابات واحتجاجات ادى ذلك الى انهيار الاقتصاد المصري ، طيب انا هاخد المسألة دي كلها واروح بيها بعيد اوي كتاب قديم كتاب .
*احمد موسى : بس انا انا عايز حضرتك برده البعض
**عصام الطباخ : آه طبعا البعض
*احمد موسى : ، وفي عمال شرفاء جدا ، ومحترمين جدا
**عصام الطباخ : جدا ، صح
*احمد موسى : وطنيين جدا وبيدافعوا عن البلد معانا ، لكن بعض اللي عملوا دا نقول بعض .
**عصام الطباخ : صح كدا
**عصام الطباخ : انا هرجع اخد الكلام دا كله ، اللي هو النتيجة المنطقية على مقدمة إيه هي المقدمة ، كتاب صدر في بداية القرن التاسع عشر ، الخطر اليهودي – بروتوكولات حكماء صهيون ، تفاجئ بقى يا احمد بايه في الكتاب ، اللي من 100 وحاجة سنة ، يقول ايه ، إننا نقصد ان نظهر كما لو كنا المحررين للعمال ، جئنا لنحررهم من هذا الظلم حينما ننصحهم بأن يلتحقوا بطبقات جيوشنا ، من الاشتراكيين والفوضويين والشيوعييين ،
*احمد موسى : تاني ، تاني لو سمحت وبراحة كدا ، كلمة كلمة وبهدوء اقرا دي تاني
**عصام الطباخ : تمام ،
*احمد موسى : حكماء صهيون
**عصام الطباخ : اه حكماء صهيون ، البروتوكل الثالث قالوا ايه ” إننا نقصد ان نظهر كما لو كنا المحررين للعمال ، جئنا لنحررهم من هذا الظلم حينما ننصحهم بأن يلتحقوا بطبقات جيوشنا ، من الاشتراكيين والفوضويين والشيوعييين ، ونحن نحتضن العمال متظاهرين بأننا نساعد العمال طوعاً لمبدأ الأخوة والمسلحة العامة للانسانية ” أدي اول فقرة ، يبقى انا اخد الكلام دا من 100 وحاجة سنة ، بيطبق فعلي فعلي في مصر نموذج حي ، لان الكلام دا بردو رسالة لكل الدول العربية لأن دا اتطبق عندنا فياخدوا النموذج بتاعنا وينتبهوا بيطبق عندنا ، جنودهم من الاشتراكيين والفوضويين ، هؤلاء الجنود اللي هما النشطاء ، بعض النشطاء بعض السادة النشطاء ، اللي هما دورهم كالآتي ، دوره التحريض وبيستغل ايه بيستغل ان العامل دا في حالة فقر وبيستغل ان بردو مفيش وعي وبيستغل ان الراجل دا تعبان في المعيشة فيبتدي يحرضوا ويزرع فيه زي ما قالو ، ونحن نحكم هذه الطوائف “صهيون” باستعلال مشاعر الحسد والبغضاء التي يؤججها الضيق والفقر ، وهذه المشاعر هي وسائلنا التي نكتسح بها اعدائنا ، تمام ، يبقى انا لما اجي اتكلم في الشأن العمالي انا بتكلم على مصر كلها ، مفيش بيت مفيهوش عامل ، تمام فهما لما يخترقوا هذا المجال اللي هو الجزء العمال يبقى اخترقوا البلد كلها ، يبقى هي دي لما نيجي نقول بقى فوضى خلاقة ، هو دا اللي شغالين عليه وشغالين بشكل واضح وصريح طيب
*احمد موسى : حضرتك دا بتقوله كمان علشان العمال الشرفاء يخلوا بالهم من اللي بيتم دا واستدراجهم ان دا وفق (طبقاً لكلام حضرتك) خطة معمولة ، للشرفاء خلوا بالكم دا هدفه ايه .
**عصام الطباخ : هي رسالة للعمال فقط في مصر انتبهوا كفاية كدا ، انتبهوا ، يعني انت بتعمل اضراب هنا ، المصنع بيقف ، بتتشرد ، بتبقى خلاص عاطل فإنت كدا اضريت بلادك ،
*احمد موسى : انت كدا بتقفل مصنع
**عصام الطباخ : ليه يعني انت دلوقتي ، قفلت كيان كبير على 3 ، 4 منكم هما اللي بياخدوا الدولارات علشان خاطر يحرضوكم ، أنا هرجع بردو لجزئية حكماء صهيون في آخر حتة ، بيقول ايه بقى يا ريس “وإن قوتنا تكمن في أن يبقى العامل في فقر ومرض دائمين لأننا بذلك نستبقيه عبداً لإرادتنا ” شوف تخيل بقا “ولن يجد فيمن يحيطون به قوة ولا عزماً للوقوف ضدنا” يعني ايه
*احمد موسى : لازم يفضل محتاجله طول الوقت
**عصام الطباخ : يبقى بنقول للعامل المصري ، ان هذه المنظمات ، او هؤلاء النشطاء ، او بعض النشطاء اللي بيجي يحرضك اللي انت تعمل احتجاج ، واضراب مخالف للقانون وانت تيجي تقطع طريق ، دا الهدف الاساسي بتاعه اللي من 150 سنة ، الهدف بتاعه ان انت تبقى فقير ومريض وتتشرد واقتصاد بلدك يقع ، فاحنا لازم نحتضن العمال المصريين اللي هما اعظم عمال اعتقد في العالم كله ، العمال المصريين يعني السيد رئيس الجمهورية لما دعا قال عاوز اعمل قناة السويس الناس كانت واقفة طوابير
*احمد موسى : خلال 24 ساعة مكانوش بيناموا
**عصام الطباخ : بالظبط كدا ، فالمطلوب
*احمد موسى : وهما اللي شغالين دلوقتي في المشروعات كلها ، طرق وكباري ، وغيره وغيره
**عصام الطباخ : بالظبط ، المطلوب دلوقتي احتضان العامل المصري وتوعيته ، لازم يستوعب انه لا يمكن ان يكون آداه لتدمير وطنه
*احمد موسى : في ايد الاشتراكيون الثوريون وغيرهم ، وسبوبة النشطاء
**عصام الطباخ : وسبوبة النشطاء اللي هي بقت على الملأ ، خلصنا ثورة يناير طيب هنروح لثورة يونيو عقب ثورة يونيو ، حصل ايه 30 يونيو ،
*أحمد موسى : الثورة الاعظم
**عصام الطباخ : الثورة الأعظم
*أحمد موسى : في التاريخ
**عصام الطباخ : اللي انقذت الوطن العربي كله
*أحمد موسى : العالم كله
**عصام الطباخ : العالم كله
**عصام الطباخ : زاد سطوة النشطاء في هذه الفترة ليه بقى ، لأن كان عندنا واحد راجل زعيم النشطاء السيد الدكتور البرادعي ، وكانت حكومة ائتلافية فحصل ايه الحكومة الائتلافية دي جابتلنا اللي مسك وزير القوى العاملة واحد من رواد النقابات المستقلة واللي كان ماسك القوى العاملة في 2011 كان أ.كمال ابو عيطة
*احمد موسى : كمال أه
**عصام الطباخ : واللي كان ماسك وزير القوى العاملة في اللي احنا بنحكي فيه دا راح لوزارة القوى التضامن
*احمد موسى : في عهد الببلاوي
**عصام الطباخ : الببلاوي ، حكومة الببلاوي ، تمام
**عصام الطباخ : حصل ايه بقى ، يا ريس في المسألة المهمة والدقيقة اللي احنا بنتكلم فيها دي
*احمد موسى : كان الدكتور ببلاوي كان يكتب كل ثلاث تقريبا في الاهرام مقال نصف صفحة اقتصادي بينتقد فيه كل حاجة ، لما مسك رئيس حكومة معملش ولا حاجة من اللي كانت مكتوبة في الاهرام لما قعد 20 سنة ، استغربت من الحكاية دي ، قلت اللي بيتكتب حاجة وعلى ارض الواقع حاجة تانية ، الناس تقعد تقول كلام ، وتيجي تمسك مناصب ، متعرفش تطبق .
**عصام الطباخ : للاسف الشديد
*احمد موسى : اتفضل يا فندم ملاحظة معلش جت دلوقتي
**عصام الطباخ : لا تمام يا فندم ، المهم جينا عقب ثورة يونيو زادت السطوة ، دا سمك وزارة القوى العاملة بقى هدفه الأساسي تمرير مسودة مشروع التنظيمات النقابية ، وزير التضامن هدفه الأساسي تمرير مشروع الجمعيات والمؤسسات الأهلية ، ساعتها انا كنت في التوقيت دا المستشار القانوني الخاص للسيد وزير القوى العاملة
*احمد موسى : كمال ابو عيطة ، المستشار القانوني
**عصام الطباخ : المستشار القانوني الخااااااااااااااص للوزير
*احمد موسى : اهلا وسهلا معلومة جديدة بالنسبالي
**عصام الطباخ : اهلا بيك يا فندم ، تمام المهم ، اتصل قالي يا عصام بيه انا المسودة دي احنا تعبنا فيها عايزين نحركها بقا ، قريت المسودة لقيت فيها كوارث ، كوارث اللي هي المفجعة انما مياخدش باله منها رجل الشارع العادي او اللي مش متخصص ميخدش باله منها ، حاجة جميلة اوي وشيك ونقابات وتنظيم والمسألة دي كلها حضرت أكتر من حوالي 15 جلسات حوار مجتمعي ملقتش حد بيتكلم في موضوع الكوارث دي ، الاتحاد العام لنقابات عمال مصر لقيته مبيتكلمش في المسألة دي خالص ، فابتديت اعرض على الاستاذ كمال وهو طبعا موجود ، قلتله المسودة دي كارثية على مصر ، مش كارثية دي تدمر اجيال اجيالنا واحفادنا يعني تدمر جيل بحالة ، ليه بقى ياريس ، المسودة دي حصل فيها ايه ، المسودة تقنن وبشكل صريح التجسس على مصر بشكل صريح ، ازاي ، ممكن لخمسين يهودي من جنسيات مختلفة واحد نما دنمارك بس يهود من حقهم يجوا مصر يعملوا نقابة عمالية ويبقى منهم رئيس مجلس الادارة ويبتدوا ينتفعوا بالاعفاءات الواردة في قانون التنظيمات النقابية يعني يستوردوا كل حاجة مجاناً ويبتدوا يقابلوا وفودهم ويجيبوا معلومات تحت غطاء شرعي النقابة العمالية الكلام دا حصل ازاي لما رجعنا لمؤتمر جينيف فوجئنا ان منظمة العمل في مؤتمر جينيف في سويسرا قالت العامل معروف منظمة عمالية والعامل هو اللي بيشتغل تحت رقابة ادارة واشراف صاحب العمل لقينا في التعديلات دي من منظمة العمل الدولية في مؤتمر جينيف قالت ايه : قالت ضرورة ادراج العمال المستقلين ضمن هذا التعريف ، اخترعولنا حكاية كدا اسمها العامل المستقل طب ايه هو العامل المستقل ، قالوا “هو العامل الذي يشتغل لحسابه الخاص دون استخدام عمال آخرين” يعني ايه ، يعني انا فاتح واخد محل ايجار جديد كدا ب 150 ج فاتح بتاع ستاير مثلاً ، خمسين واحد بتاع ستاير اياً كانوا الخمسين لان مفيش جنسية
*احمد موسى : دول مستقلين
**عصام الطباخ : اه ، يقوموا عاملين نقابة ، الخمسين دول بقا
*احمد موسى : الخمسين دول من حقهم يعملوا نقابة ؟
**عصام الطباخ : اه منحقهم اي جنسية باعتباره ان دا سعادته عامل مستقل تمام ، اللي و الاختراع الجديد ، ادي حاجة لقينا المسودة بتوصلنا ان كل عمال مصر متفرغين ،
*احمد موسى : يعني ايه
**عصام الطباخ : يعني المسودة بتقول ايه اولا محددتش الحد الأقصى لأعضاء مجلس الادارة ، احنا خمسين 7عامل اهو اتفقنا كلنا عاوزين نبقى اعضاء مجلس ادارة ، فبقينا احنا الخمسين اعضاء مجلس الادارة ، فكلنا نبقى متفرغين
*احمد موسى : وننسى الشغل اه نشتغل في مجلس الادارة
**عصام الطباخ : بالظبط كدا وكلنا نستورد ونبقى
*احمد موسى : دا تخريب
**عصام الطباخ : تخريب ، الحاجة الثالثة اللي هي ايه الحكارثة الثالثة عاوزين يدخلوا التنظيمات النقابية دي في مرفق القضاء ويدخلوها في الشرطة لذلك ظهرت حركة قضاه من أجل مصر والشرطة النقابات المستقلة مش عارف ايه … تمام
*احمد موسى : ضباط ملتحون مش عارف مين
**عصام الطباخ : بالظبط كدا ، لما نيجي بقى نروح المغرب مثلاً ، ملاحظات منظمة العمل الدولية في المغرب كانت ايه ، قالت مفيش شرطة طب هنا علامة استفهام كبيرة اوي ، طب انتي مصممة في المسودة وعامل مستقل واختراعات غريبة بتحصل هنا بعد ما البلد بتاعتنا وقعت ومصممة ان في عامل مستقل ، طب انتي معملتيش كدا في المغرب ليه في دولة المغرب ، سابت المسألة دي وماتكلمتش فيها خالص لأن المغرب مكانش فيها ثورات ربيع عربي في التوقيت دا ، فأن عايزة اقول لحضرتك ان لازم العامل المصري ينتبه للمرة المليون ان احنا داخلين في خطط ممنهجة عبر السنين ، يعني هما دلوقتي اقول لحضرتك على حاجة مثلاً ، منظمة العمل الدولية بتعمل ايه دلوقتي داخلة وزارة القوى العاملة بتعمل مشروع ، اليومين اللي فاتوا عاملة اعلان في جرنان الجمهورية بتستعين ببيت خبرة ليه ؟ علشان يعملنا دراسة احصائية كاملة على احدى المؤسسات العمالية مثلاً المؤسسة الثقافية العمالية اللي انا المستشار القانوني بتاعها ، دي مؤسسة عريقة في الوطن العربي وفي افريقيا ، يجوا يشوفوا سيكولوجية العامل المصري ، وطبيعته وثقافته وفيه اهمال ، ولا مافيش والمال وكله ، ادي ياريس معلومات جاهزة علشان يخططولنا بعد عشرين سنة هيعملوا ايه .
اذن احنا قدام ناس منظمين فانا بقول لازم لازم لازم اللي يبقى فيه احتضان للعمال المصريين العظماء ولازم يعرفوا المسألة دي ولازم المسألة دي تبقى في نوع من انواع الوعي اللي ان المسألة عمرها ما هتمشي بالشكل دا .
مسألة مسودة قانون التنظيمات القانونية ودي انا عاوز اوجه رسالتي للعامل المصريفي هذا التوقيت بالذات وفي ظل الدعوات اللي بتثار اليومين دول وبقول للعامل المصري كان صادر ليك قانون يقنن التجسس على بلدك ومجتمعك ، كان صادر ليك قانون عايز يفتت الشرطة المصرية اللي بتحميك وتأمنك كان صادر ليك قانون عايز يفتت مرفق القضاء اللي لو لولاه كانت مصر وقعت ، في قانون بيفتت النقابات المهنية الرائدة زي نقابة الصحفيين ونقابة المحاميين بنظام الحريات النقابية وكل خمسين صحفي
*احمد موسى : اه واطلاق نقابة صحفيين مستقلين
**عصام الطباخ : اه بالظبط كدا
*احمد موسى : احنا عندنا نقابة واحدة وهي المفروض اللي ممثلانا ، اي حد غير كدا غير شرعي
**عصام الطباخ : والدستور نص على كدا
*احمد موسى : اي حد غير كدا يبقى اخواني
**عصام الطباخ : تمام ، صح جدا
*احمد موسى : بالنسبالنا
**عصام الطباخ : بقول للعامل المصري برده ان القانون اللي كان نازلك دا وكان بين قوسين او ادنى ان هو يتم تمريره كان بيؤدي الى فقرك ومرضك وتعطيلك عن العمل وبيؤدي الى سياسة التدمير الذاتي ، اللي هي السياسة الممنهجة لأن الحروب دي دلوقتي مبقتش دبابة وجيش ومظلات والمسألة دي ، ان هذه الحروب
*احمد موسى : اللي بتقول عليه هو دا الحروب ، اللي هي بتدمر دمرت الدول
**عصام الطباخ : اللي هي اقل كلفة ، يعني انا راجل قاعد بقوم الناس على بعضها
*احمد موسى : بدربهم انهم يعملوا دا ، نفذوا في سوريا والعراق ، ونفذوه هنا بس ربنا كرمنا ، لان شعبنا عظيم
**عصام الطباخ : فبقول للعامل المصري ان هذا القانون الذي كان سيمرر كان هيدمر قوة العمل في مصر وبالتالي هيخليفي انهيار للدولة المصرية طب هل الناس دول سكتوا ؟ لأ
مسكتوش شغالين وبنشاط غير عادي
*احمد موسى : بيعملوا ايه تاني
**عصام الطباخ : بيعملوا ايه دلوقتي : يعني انا بلحظ او برصد او بترقب كانت الفترة اللي فاتت المنظمات كلها بتدعم النقابات المستقلة لما لقت ان الكيانات المستقلة والنقابات المستقلة على فكرة النقابات المستقلة دي كل معظم اوراقها مزورة ، في وزارة القوى العاملة ، معظم اوراقها مزورة ، يعني انا قلت الكلام دا سنة 2013 ،
*احمد موسى : معظم اوراق النقابات دي مزور !
**عصام الطباخ : مزور ، والكلام دا على مسئوليتي
*احمد موسى : ازاي !
**عصام الطباخ : يعني انا دلوقتي النقابة دي كانت عاوزة خمسين واحد يجتمعوا مع بعض ويروحوا يعملوا نقابة ، يحطوها في وزارة القوى العاملة ، وزارة القوى العاملة تديهم جواب للبنك وجواب للتفرغ تمام ، انا وصاحبي في المصنع ناخد بعضنا كدا وقوم تك تك تك خمسين اسم اي كلام بارقام البطايق الاسماء دي كلها مش في النقابة اصلا ، انا جالي ناس كتير قالولي احنا ولا نعرف حاجة عن القصص دي كلها ، واللي يقولك ايه بقى يطلع واحد يقول انا عندي مليون عامل ، انا عندي 5 مليون عامل ويروح جينيف ، يعني وزيرة القوى العاملة الدكتورة ناهد عشري في مؤتمر جينيف اللي فات اصطحبت معاها ممصلين عن النقابات المستقلة لحضور جلسة منظمة العمل الدولية اللي هما بيعبروا عن آراء الملايين من العمال على حد قولهم
*احمد موسى : مبنيين على ورق زي ما انت بتقول
**عصام الطباخ : اه كله على الورق ، احنا قلنا يا السادة المسئولين بالذات وزارة القوى العاملة ، السيد الوزير مش هيحصل حاجة لما يجيب الورق بتاع تأسيس النقابات المستقلة دا ويتم مراجعته ، لأن هذا الورق فيه مشاكل كتير وفي مسائل ضخمة ، انا بتكلم في جزئية تانية بردو يا احمد بيه تكملة او مكملة للي احنا بنقوله ، بنقول ان المنظمات الدولية بتهدف اللي هي تصدرلنا شعار اللي هو الحق اللي يراد بيه باطل يعني القصة كلها او الازمة اللي احنا فيها هي ازمة تصدير الشعارات يعني انا اصدر شعار الحرية النقابية ، تمام ،
*احمد موسى : او الحرية للجميع
**عصام الطباخ : او الحرية للجميع
*احمد موسى : اطلقوا صراح المعتقلين وهما ارهابيين كدا شعارات كدا ، فهما ارهابيين ،
**عصام الطباخ : زي بيان الاشتراكيون الثوريون في شهر 7 ، يعني انت تفاجئ ان الاشتراكيون الثوريون بيقولك بيان احنا مع الاخوان بيقولك الاخوان حركة اصلاحية ، فتخير حضرتك او يتخيل العامل او المواطن المصري اللي هو بيجيبه ويقف معاه تحت شعار الحريات ، بيقول ان الاخوان جماعة اصلاحية ، دي احنا نسيبها للمشاهد الكريم انه يتلقفها بهدوء للروابط 6 ابريل اللي طلعوا قالوا احنا بنتمول من برة ودي اصلا تحت بند الحرية وانا افتكر قبل ثورة يناير واتعرض عليها المسألة دي ، كان في رحلة لبولندا اسمها جيل جديد من احدى المنظمات الدولية اعتقد فريدرم هاوس
*احمد موسى : الخراب كله بيجي من ورا فريدرم هاوس
**عصام الطباخ : جالي الجدول التعرف على الثورة البلشافية في بولندا ، ازاي تعتصم ، ازاي تجبر الحكومة على مش عارف ايه ، ازاي تتصاعد في طلباتك ازاي تختار ميدان يبقى ميدان ، ازاي مش عارف حاجات الكلام دا
*احمد موسى : دا البرنامج ؟
**عصام الطباخ : دا البرنامج !
*احمد موسى : بتاع الرحلة
**عصام الطباخ : بتاع الرحلة ودا معايا
*احمد موسى : معاك
**عصام الطباخ : اسمه جيل جديد ، اللي احنا بننشئ جيل جديد من السادة النشطاء ، تمام ،
*احمد موسى : مسافرتش
**عصام الطباخ : لا طبعا مسافرتش ، لا مسافرتس ورفضت رفضا باتاً ، قلت ايه الكلام دا ، اتعرف على الثورة البلشافية ، وازاي اقف في ميدان وازاي وازاي وازاي ، مفيش اي ضرورة او مدعاه ان انا اروح اعمل الحاجات دي
*احمد موسى : دلوقتي
**عصام الطباخ : بيعملوا الكلام دا دلوقتي ، كل الكلام دا شغال ، بس شغال على ايه بقا على نمط تاني ، احنا سيبنا الاتحاد المستقل ، ابتدينا ندخل في الاتحاد الشرعي ، ابتدت المنظمات تتقرب للاتحاد الشرعي اللي هو الاتحاد العام لنقابات عمال مصر ، ابتدت تتقرب لوزارة القوى العاملة تحت حس ايه بقى برنامج لاعمال التصدير ، هذا البرنامج عاوزين منه ايه اللي هو برنامج معلوماتي يعني دراسة مستفيضة عن كل حاجة احنا بنعملها انا عاوز اقول لحضرتك ان استخبارات العالم كله ، يعني الله يكون في عون الامن القومي المصري ، الله يكون في عون الشرطة المصرية الله يكون في عونا احنا ياناس عايزين نعيش اطفال عايزة مستقبل يعني فعلا ، استخبارات العالم كله عندنا وزي ما حضرتك شفت المشهد الأخير بتاع الطيارة الروسية هذاا لمشهد من وجهة نظري ابلغ دليل على المنهج اللي بنتكلم فيه بس كل في قطاعه ، قطاع العمال فلان وفلان وفلان ، قطاع السياحة فلان وفلان وفلان .
ادي المنهج الواضح اللي هما مصممين على المؤامرة او التآمر الممنهج والموضوع بخطة موصوفة انما عمرها
*احمد موسى : نشغل ازاي الاعلام ونديهم معلومات غلط واكاذيب وكدا
**عصام الطباخ : بالظبط ازاي بقى ياريس يعني بردو بتكلم في جزئية لازم يبقى لينا رد لان احنا وقعنا في الحفرة قبل كدا احنا قدامنا نموذج اهو بنعرضه مينفعش نقع فيه تاني ، فأنا بوجه رسالتي للدولة بقى المصرية تنتبه ، بتنتبه بمعنى ايه يعني القيادات لازم نتأكد ايه دول لازم نطهر المؤسسات ، يعني حضرتك افتكرت واقعة المخابرات الروسية عرفت واتأكدت ان فلان الفلاني دا جاسوس امريكي ، متأكدة مليون في المية انه جاسوس امريكي مش لاقية عليه دليل لمين شمال مش لاقية دليل خالص جه الراجل دا وهو على فراش الموت راحتله المخابرات الروسية قالتله احنا متأكدين ان انت جاسوس امريكي ممسكناش عليك حاجة انت كنت بتعمل كدا ايه قالهم فعلاً انا كنت جاسوس للولايات المتحدة الامريكية بس كان كل دوري ان انا اختار البني ادم الغلط فأي مكان من مرافق الدولة ، يبقى انا بقول ياريس الدولة عليها ان هي تختار ، ان احنا نستغل شعبية الرئيس السيسي فاحتضان العمال عندنا 4500 مصنع انا بقول استاذ احمد ال 4500 مصنع دول اللي هيشتغلهم العمال ، انا عندي واحد في هجرة شرعية بيدفع 40 الف جنيه علشان يروح يموت تمام ، لا ال 40 الف جنيه دي احنا لو عملنا مشروع مصنع من المصانع المتعثرة وليكن مثلا بتصنع بنطلون جينز مثلاً ، المصنع دا محتاج خمسين مليون
*احمد موسى مقاطعا بالحادث الارهابي في العريس
الجيس بتاعنا بيحارب الارهاب ، الخوف كل الخوف ان انا اعمل معركة في الشارع ارجع من المعركة الاقي بيتي اتسرق ، بيتي بيتسرق دلوقتي من بعض منظمات المجتمع المدني ، وبعض المنظمات الدولية وبعض الأدوات اللي للأسف الشديد مصريين وبيدمروا مصر ،
*احمد موسى : زي ايه المنظمات بتعمل ايه الأدوار ايه ادوار الناس دي ايه
**عصام الطباخ : الناس دي هي عبارة عن وساطة وساطة بمعنى ايه اني انا بدخل مشروع او بمقترح مشروع انا عايز اطور منشأة من منشآت الدولة فبتتدخل تجمع معلوماتها انا عايز ادي محاضرات في الوعي العمالي فيمنهجوا الوعي العمالي على اساس ان العامل حقوقك لازم تاخدها بالقوة لان انت ليك حق دا الشغل اللي موجود ، هل الشغل دا مرصود ، في الوقت الحالي ، انا بقترح ومع التطور الهائل في الحروب اللي احنا بنشوفها ان الدنيا مبقتش دبابات دلوقتي بقت حروب اجتماعية
انا بقترح يكون هناك امن قومي عمالي ، الامن دا يبقى عبارة عن ايه عن تنمية وامن ،امن قومي عمالي يبقى معني بالعمال على مستوى مصر كلها يحتضن العمال يوعي العمال مع جهاز اعلامي يبقى عارف دوره كويس ازاي يدي المادة او توصل للعامل البسيط اللي في المصنع اللي هو ممكن ينساق وهو مش واخد باله ، تحت حجة ان دا حقي فالامن القومي العمالي انا شايف ان هو ضرورة ملحة ومدعاه في هذا التوقيت ان احنا نقول يبقى عندنا امن قومي عمالي وعايزين نشتغل على هذا الاتجاه ، الاتجاه الثاني : و انا بنهي ال 4500 مصنع انا بقول عندي واحد في هجرة غير شرعية بيروح يموت ب 40.000 جنيه انا بطرح مثلا مشروع البنطلون الجينس اللي انا بتكلم عليه دا ، المشروع دا عاوز 20 مليون جنيه ، بعمل حاجة الهيئة المصرية للمشروعات وبجمع الفلوس دي زي ما جمعناها من قناة السويس بس مش نظام بقى فايدة احنا برده عاوزين نبطل شغل العالة دا ، ان انا اقعد واخد فايدة ، لا انا هاخد المصنع دا ب 500 مواطن مصري يعني انا شاب اهو هبقى راجل المالك في يوم وليلة ويبقى في ادارة محترفة وتضمنها الدولة على المكسب وعلى الخسارة انا اتمنى .
*احمد موسى : بتنصح الناس انه الدعوات اللي بيطلقها البعض الآن أنه بدأوا يرجعوا نفس الوجوه نفس الأشخاص نفس الفيلم اياه الناس اللي سافروا اتدربوا برة مش عارف يعملوا ايه على الافكار نفسها انه نبدأ نجهز نفسنا 25 نبدأ نشتغل ونحشد والكلام دا تنصح الناس دي تقولهم ايه .
**عصام الطباخ : انا انصح الناس اللي يبقى في تكاتف مع الدولة المصرية متمثلة في الجيش والشرطة بنصح الناس اللي هي شافت اللي حصلنا بعد 2011 شافت ازاي مفيش بيت في مصر معاناش من الفوضى ومن الاضطراب شفنا ازاي المستوى الاخلاقي اللي تدنى بشكل مميت احنا مبنقدرش ننزل عيالنا دلوقتي الشارع لأن الالفاظ اللي جاية من الخارج والشعارات اللي برة ، شفنا الحملات الاعلامية اللي علينا من برة هي ملهاش الا مصر ، لولا ثورة يونيو كان زمانا احنا دلوقتي ، وبعد كدا احنا هنروح فين ، يعني شعب مصر 90 مليون دا لما يجي يبقى في ايواء مثلا هنروح فين
*احمد موسى : مينفعش نروح حتة
**عصام الطباخ : مينفعش
*احمد موسى : محدش هياخدنا اصلا
**عصام الطباخ : وعندنا ليبيا متدمرة وعندنا تقسيم السودان ، وعندنا العراق بقول للشعب المصري يعني هدوء بقى ونبتدي نتكلم بعقل يلا نشتغل ، يلا نتكاتف ، يلا نقف جمب بعض ، يلا نعمل حاجة
احمد موسى : وبتقول للعمال الشرفاء خلي بالكو ان في ناس عندهم اجندة محددة وعايزين يورطوكم
عصام الطباخ : بالظبط كدا ودي واضحت في تجربة حية وضحت ، وانتوا شفتوها يا عمال مصر كلكوا بعنيكم ، وعمال مصر معظمهم عمال شرفاء ، وعمال ابطال ، وعمال عظماء ، فاحنا نتمنى الكل يتصدى لاي فساد وأخيرا يا استاذ احمد الاختيار واخيرا نتمنى نتمنى نتمنى ان يبقى اختيار القائد يبقى مبني على رؤية . دا انا بختم بيه حديثي بجزئية الاختيار .
*احمد موسى : شرفتني
**عصام الطباخ : شكرا
*احمد موسى : شكرا لحضرتك
**عصام الطباخ : شكرا شكرا

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى
shared on wplocker.com